Review....نظرة من الأعلى: هي دي مصر يا عبلة

فترة الثمانينات من اكثر الفترات بؤساً و بشاعة في تاريخ العالم , لماذا؟؟
لأنها الفترة التي لم يحدث فيها اي شيء على الإطلاق..لا حروب ..لا سلام .. لا شيء..بالنسبة لنا في مصر كان إغتيال السادات و تولي مبارك الحكم هو الأهم لكن بعدها لا شيء
الثمانينات أكثر فترة في التاريخ أكرهها بالفعل ..فمع حبي المبرح للتاريخ بكل ما فيه , إلا أن تلك الفترة بتسريحات الشعر الرجالية الأشبه بالسيدات و السيدات الأشبه بالرجال و البدل البنية و النضارات الطبية الغامقة, الصور الفوتوجرافية ذات الألوان الباهتة الملونة ..كل هذا أكثر من الكراهية ..رغم هذا ما سأريه لك الآن سيعيد لك فترة قضيت بها أجمل فترات طفولتك في أمان ..نعم رغم ملل تلك الفترة تاريخياً إلا أنها فترة مولد معظمنا هنا ..مولدي انا نفسي في صباح العشرين من يناير من العام 1984 يوم بائس بارد ..حسنا لنبدأ بالصور التي جائتني في بريدي للأمانة من أحد اصدقائي فجعلتني أتنسم أيام الماضي السحيق.

مصاء الخير ...برنامج عالم البحار..الله يرحمك يا عم الحاج

كورونا رغم انها لسة موجودة بس لاتزال زي ما هي بتاكل منها قطمة و ترميها

الأخ اللي كان بيقول زحمة يا دنيا زحمة روح اتخيب و شوفلك تربة تلمك ..متهيألي انك مكسوف من نفسك دلوقتي قال زحمة قال

أيام ما كان اسمها بيبسي كولا و كانت مية ملونة و ماحدش بيشتريها لسة ..هي هي والله زمان

حد فاكر البتاعة دي..انا فاكرها بس مش فاكر اي حاجة غير اني متصور بيها في عيد ميلادي التاني او حاجة زي كده و الله ما فاكر دي كانت ايه اصلا

متهيأللي لو حطيت صورة ديناصور ماحدش حايتسغرب..البتاعة دي عمري ما جربتها و انا صغير كنت بس بشوف الشعار على عربيات التوزيع ..طبعا ليه ماكنتش بشتريها..لأني كنت سنتين ساعتها

اللعبة دي كنا كلنا بنكسرها بلا إستثناء و بعدها ندور على حاجة تانية نلعب بيها و مانلاقيش

فريق الأهلي ..زي ماحنا شايفين 11 لعيب ما عرفش فيهم غير إكرامي و ده لأني أخر واحد يتسأل في الكورة
الحمدلله الذي عافاني مما إبتلاكم به.

هات العطر يا ولد..حد فيكم شمها قبل كده
طبعا
طب حد فيكم يفتكر ريحتها و هي مخلوطة بجلد والده أو جده , و جده ده مدخن ؟؟ فاكرين الريحة..أهي دي الذكريات ولا بلاش ذكريات الرائحة أقوى ألف مرة من أي ذاكرة.
.

حمادة سلطان..كان يقول النكتة و يضحك عليها نص ساعة ..هاهاهاهاها

هو فعلا كان حالة .

ده طبعا أول ما طلع نسينا اللعبة اللي كنا بنكسرها فوق و بقينا بنحاول نلاقي تكسيرة للدراعات بتاعت الأتاري..فاكرين الدراع أبو عشرين جنيه من شارع عبد العزيز ..و برضه يتكسر..ولا لعبة الطيارات اللي من الجنب..هاهاهاها...ييجوا يشوفوا دلوقتي لعبة Assassin Creed

كابوس دكاترة الكليات ..البنت المحجبة اللي تحط الووكمان على دونها ولا الشاب اياه اللي شعره قد كده و حاطط الهباب ده ولا التالتة الفاشلة اللي تسجل المحاضرة ليه على شريط و تبيعها أو تبيضها و تصورها حاجة منتهى الكسل ..بس شكله ما إختلفش كتير عن أخر حاجة طلعت منه ..ييجوا يشوفوا الـMp3 و الذي منه

هات الفينو

خدلك نصه

شيل اللبابه

متحط البيفي

وعدي يا وعدي

بيفي من بلدي

وعدي يا وعدي

بيفي من بلدي

الحاج حسني ايام الشباب بيسلم على فريق السلة اللي ماعرفش برضه حد منه لنفس الأسباب في الأعلى

عزت أبو عوف ..أيام ما كان شغال .أغا على أخواته
و نعم الأخوة

يا ترى مين ده..هي هي ده حسن شحاته زي ما باين من الضب بتاعه
شايفين تسريحة الشعر..عرفتم ليه بكره التمانينات

من الشمال إكرامي و شوبير و ثابت البطل الله يرحمه

أظن لسة موجود زي ما هو ماتغيرش بالسبنسة بتاعته...إنه طرمااااااااااااااااي شبرا

الريجاتا العظيمة في أول أيامها في مصر
تحيا شركة النصر

كوبري أكتوبر و هو لسة بيوصل بالكورنيش..حاسين ببهتان الصور ..دي من الحاجات اللي بكرها في الفترة دي..كل حاجة باهتة أو حمراء جداً.

ميدان التحرير أيام كوبري المشاة فوق زي ما أحنا شايفن و المتحف أيام ما كان لونه باهت برضه ..كل حاجة غريبة حتى السما زرقا جدا..و الشوارع تحسها متربة جدا كأنهم مش حاسين بقيمة الميدان ..طبعا دلوقتي مليان عربيات قمل مركزي.

تقريبا و الله أعلم أن ده عبد المنعم رياضأو الكورنيش ..قبل..قبل حاجات كتيرة قوي الحقيقة

هايل مش كده هي دي مصر يا عبلة